Alonso: Fínn mórall hjá Real

Miðjumaðurinn Xabi Alonso segir að allt tal um einhverja krísu og slæman móral hjá Real Madrid sé tómt kjaftæði. Hann segir ekkert hafa breyst upp á síðkastið hjá liðinu.

„Það er sami góði andi í leikmannahópi okkar. Það eru góðar og slæmar vikur í fótbolta. Sem betur fer unnum við síðasta laugardag. Meistaradeildin er svo önnur keppni," sagði Alonso en Real mætir Milan í kvöld í Meistaradeildinni.

„Við verðum að vera jákvæðir og spila okkar besta bolta gegn Milan ef við ætlum okkur í næstu umferð."