Eimskip enn á uppleið en Bakkavör féll

Gengi hlutabréfa í Bakkavör skall niður um 23,4 prósent í einum viðskiptum upp á rétt rúm 40 þúsund krónur í Kauphöllinni í dag. Á eftir fylgdi Century Aluminum, sem féll um 16,7 próent, Icelandair fór niður um 2,75 prósent og Færeyjabanki um 2,69 prósent. Einu félögin sem hækkuðu voru Eimskipafélagið, sem fór upp um 2,44 prósent, Marel fór upp um eitt prósent og Össur um 0,23 prósent. Heildarviðskipti námu tæpum 13,8 milljónum króna. Úrvalsvísitalan féll um tvö prósent og endaði í 659 stigum.