HP dregur hlutabréfamarkaðinn upp

Líkur eru á því að gott uppgjör bandaríska tölvuframleiðandans Hewlett-Packard hífi upp bandarískan hlutabréfamarkað í dag, að sögn fjármálaskýrenda.

Hagnaður fyrirtækisins námu 2,03 milljörðum dala á síðasta fjórðungi ársins, sem er sá þriðji í bókum félagsins, sem jafngildir 168 milljörðum íslenskra króna. Sé það brotið niður nemur hagnaðurinn 80 sentum á hlut. Þetta er sömuleiðis fjórtán prósenta aukning á milli ára.

Góð afkoma skýrist af sterkri sölu á fartölvum jafnt utan sem innan landssteina.

Associated Press-fréttastofan segir að niðurstöður uppgjörsins benda til að efnahagslífið standi ekki jafn illa og áður var talið.

Miðað við viðskiptin fyrir opnun fjármálamarkaða vestanhafs bendir allt til að gengi hlutabréfa muni hækka, í það minnsta í byrjun dags, eftir skell síðustu tvo daga.