Hamilton bestur á seinni æfingunni

Bretinn Lewis Hamilton náði besta tíma allra á síðari æfingu dagsins fyrir Montreal kappaksturinn í Kanada um helgina. Hamilton vann sigur á mótinu í fyrra.

Bleyta setti svip sinn á æfinguna í kvöld en Hamilton náði besta tímanum þegar hann ók á 1 mínútu, 15,752 sekúndum - 0,271 sekúndu hraðar en Robert Kubica hjá Sauber.

Kimi Raikkönen hjá Ferrari náði þriðja besta tímanum og Heikki Kovalainen hjá McLaren fjórða besta tímanum. Felipe Massa, sem náði besta tíma á fyrri æfingu dagsins, náði fimmta besta tímanum í kvöld.