Djurgården á toppinn

Sigurður Jónsson og lærisveinar hans í sænska liðinu Djurgården skutust í kvöld á topp úrvalsdeildarinnar þegar þeir gerðu 1-1 jafntefli við Örebro á útivelli. Sölvi Geir Ottesen var í byrjunarliði Djurgården.

Norrköping tapaði heima fyrir Halmstad 3-1 þar sem Garðar Gunnlaugsson kom inn sem varamaður í lokin en Gunnar Gunnarsson var allan tímann á bekknum. Þá vann Malmö sigur á Gefle 2-0.

Djurgården er í efsta sæti deildarinnar með 11 stig eftir fimm leiki, en það gæti átt eftir að breytast þegar fimmtu umferðinni lýkur.