Denver - LA Lakers beint á Stöð 2 Sport í kvöld

Þriðji leikur Denver Nuggets og LA Lakers í fyrstu umferð úrslitakeppni NBA deildarinnar verður sýndur beint á Stöð 2 Sport klukkan 21:25 í kvöld. Lakers vann fyrstu tvær viðureignir liðanna á heimavelli sínum en í kvöld eigast liðin við í Colorado.

Hér eru á ferðinni tvö skemmtileg lið með margar stjörnur innanborðs og ef marka má tvo fyrstu leiki þeirra má bóka góða skemmtun í kvöld.

Það var hinn ótrúlegi Kobe Bryant sem stal senunni í síðasta leik þegar hann skoraði 49 stig og gaf 10 stoðsendingar í öruggum sigri Lakers.