Messi ekki með gegn Real Madrid

Lionel Messi meiddist í sigri Barcelona á Valencia í gær og verður af þeim sökum ekki með liðinu þegar það mætir Real Madrid um næstu helgi.

Messi tognaðist á lærvöðva þegar hann tók sprett á eftir boltanum seint í fyrri hálfleik. Hann vissi um leið að eitthvað væri að og bað um skiptingu.

„Þetta er það versta sem gat hugsanlega gerst," sagði Txiki Begiristain, yfirmaður knattspyrnumála hjá Barcelona, í hálfleik. „Messi er sá leikmaður sem gefur liðinu öllu jafnvægi og hann er búinn að standa sig gríðarlega vel að undanförnu. Við vonumst til að hann jafni sig afar fljótt og vel."