Lækkun í Kauphöllinni

Gengi tólf fyrirtækja í Kauphöllinni hefur lækkað frá því viðskipti hófust í dag. Ekkert hefur hækkað á sama tíma en fjöldi staðið í stað. Gengi Atlantic Petroleum hefur lækkað mest, eða um 3,82 prósent. Gengi bréfa í þessu færeyska olíuleitarfélagi hefur hækkað langmest skráðra félaga í Kauphöllinni á árinu, eða um rúm 324 prósent.

Þetta er í takt við þróunina á erlendum fjármálamörkuðum í dag.

Þá hefur gengi allra fjármálafyrirtækjanna lækkað það sem af er dags að Glitni undanskildum.

Úrvalsvísitalan hefur lækkað um 0,60 prósent og stendur vísitalan í 7.282 stigum. Hún hefur hækkað um 13,59 prósent frá áramótum. Hæst fór hún í 9.16 stig um miðjan júlí en lækkaði snarlega eftir það samhliða óróleika á fjármálamörkuðum.