Arnór: Eiður er opinn fyrir að ganga til liðs við West Ham

Arnór Guðjohnsen, faðir og umboðsmaður Eiðs Smára Guðjohnsen, segir að sonur sinn væri áhugasamur um að ganga til liðs við West Ham. Eiður hefur verið sterklega orðaður við West Ham í sumar. Eftir að Barcelona keypti Thierry Henry fyrr í sumar er ljóst að Eiður hefur færst aftar í goggunarröðina.

Arnór segir að sonur sinn sé að meta framtíð sína hjá Barcelona og West Ham eru sagðir vera að undirbúa tilboð í leikmanninn. „Ég hef heyrt af áhuga West Ham en þeir hafa ekki haft samband," sagði Arnór. „Eiður myndi íhuga það ef að tilboð bærist. Ég er viss um að ef þeir hafa áhuga munu þeir hafa samband við mig. Hann er meiddur á hné í augnablikinu og einbeitir sér að því að jafna sig af meiðslunum. Forráðamenn Barcelona hafa alltaf sagt að það sé undir honum sjálfum komið hvort að hann verði áfram, þeir muni ekki standi í vegi hans."