Eins mánaðar fangelsi fyrir að vera með falsað vegabréf

Héraðsdómur Reykjavíkur dæmdi í dag rúmenskan ríkisborgara í eins mánaðar fangelsi fyrir að framvísa fölsuðu vegabréfi. Upp komst um brotið þegar maðurinn hugðist kaupa sér flugmiða á Reykjavíkurflugvelli til Færeyja í desember síðastliðnum en hann var þá í farbanni. Maðurinn játaði brot sitt fyrir dómi og var hann því sakfelldur. Maðurinn hlaut eins árs dóm fyrir skjalafals í febrúar í fyrra og við ákvörðun refsingar taldi dómurinn í ljósi þess ekki fært að skilorðsbinda fangelsisdóminn.