Dramatík í Mílanó

AC Milan og Bayern Munchen skildu jöfn 2-2 í fyrri leik sínum í 8-liða úrslitum Meistaradeildar Evrópu í kvöld. Það var varnarmaðurinn Daniel van Buyten sem var hetja gestanna þegar hann skoraði jöfnunarmark liðsins nokkrum sekúndum áður en flautað var af. Hann skoraði bæði mörk þýska liðsins í kvöld eftir að Pirlo og Kaka höfðu tvisvar komið Milan í vænlega stöðu.

Andrea Pirlo færði heimamönnum í Milan sanngjarna 1-0 forystu með slysalegu skallamarki á 40. mínútu leiksins og þannig var staðan í hálfleik. Van Buyten jafnaði fyrir Bayern og skoraði mikilvægt mark á útivelli þegar 12 mínútur lifðu leiks.

Kaka kom svo heimamönnum yfir aftur þegar rússneski dómarinn vildi meina að Lucio hefði brotið á honum - en sá dómur var kolrangur. Bayern tók áhættu í blálokin og miðvörðurinn Van Buyten var aftur á ferðinni þegar hann skoraði eftir klafs í teig Mílanómanna og tryggði Bayern mikilvægt 2-2 jafntefli - ekki ósvipað og í fyrri leiknum gegn Real Madrid í síðustu umferð. Það er því ljóst að ítalska liðsins bíður gríðarlega erfiður síðari leikur í Þýskalandi.

AC Milan   2     -     2  Bayern Munchen

Andrea Pirlo (40)     Daniel van Buyten (78)

Kaká (víti 84)             Daniel van Buyten (90)

AC Milan: Dida, Oddo, Nesta, Maldini, Jankulovski (Kaladze 87), Gattuso, Pirlo, Ambrosini, Seedorf (Gourcuff 85), Kaka, Gilardino (Inzaghi 71).

Ónotaðir varamenn: Kalac, Cafu, Bonera, Brocchi.

Gul spjöld: Gilardino.

Mörk: Pirlo 40, Kaka 84 (víti).

Skot (á mark): 14 (4)

Brot: 9

Hornspyrnur: 4

Með bolta: 50%

Rangstöður: 1

Varin skot: 2

Bayern Munchen: Rensing, Sagnol (Lell 67), Lucio, Van Buyten, Lahm, Salihamidzic, Hargreaves, Ottl, Schweinsteiger, Makaay (Santa Cruz 86), Podolski (Pizarro 68).

Ónotaðir varamenn: Dreher, Scholl, Gorlitz, Demichelis.

Gul spjöld: Salihamidzic, Van Buyten.

Mörk: Van Buyten 78, 90.

Skot (á mark): 14 (4)

Brot: 12

Hornspyrnur: 5

Með bolta: 50%

Rangstöður: 1

Varin skot: 2

Áhorfendur: 77,700

Dómari: Yuri Baskakov (Rússlandi).