Ný skrifstofa Eimskips á Ítalíu

Eimskip opnar nýja skrifstofu á Ítalíu 1. nóvember næstkomandi. Starfsemi Eimskips á Ítalíu hefur til þessa farið fram í gegnum umboðsaðila félagsins Thos. Carr í Mílan en frá og með opnun nýju skrifstofunnar munu starfsmenn þess félags heyra undir Evrópusvið Eimskips.

Í tilkynningu frá félaginu segir að opnun skrifstofu á Ítalíu sé liður í markvissri uppbyggingu Eimskips í Evrópu. Meðal helstu áhersluatriða á  nýju skrifstofunni innan samstæðu Eimskips megi nefna umboðsþjónustu fyrir siglingakerfi félagsins, styttri siglingar (short sea), hitastýrða flutninga og alhliða flutningsmiðlun um allan heim.

Framkvæmdastjóri Eimskips á Ítalíu er Roberta Magillo.