Exista upp um 7 prósent

Fyrstu viðskipti með bréf í Exista í Kauphöll Íslands voru við opnun markaðarins í morgun. Gengi bréfa í félaginu var 23 krónur á hlut í morgun en það er 7 prósentum hærra en verð á hlut í útboði með bréfin í upphafi vikunnar.

Í Morgunkorni Glitnis í dag segir að um klukkustund eftir opnun markaðarins hafi velta með bréf Exista numið 484 milljónum króna í 57 viðskiptum og var verð í síðustu viðskiptum 22,6 krónur á hlut.

Klukkan rúmlega 11 í morgun stóð gengið í 22,50 krónum á hlut.