Keflavík mætir KR eða Þrótti í úrslitaleiknum

Keflvíkingar tryggðu sér sæti í úrslitaleik VISA-bikarkeppninnar en Keflavík kjöldró Víkinga í fyrri undanúrlsitaleik bikarsins á Laugardalsvelli í kvöld. Lokatölur urðu Keflavík 4 - Víkingur 0.

Jónas Guðni Sævarsson skoraði fyrsta mark keflvíkinga á 22. mínútu. Guðmundur Steinarsson bætti við öðru marki fyrir Keflavík á 71. mínútu og Þórarinn Kristjánsson skoraði þriðja mark þeirra á 78. mínútu eftir hroðaleg mistök í vörn Víkinga. Guðmundur Steinarsson bætti svo við öðru marki sínu og fjórða marki Keflavíkur á 89. mínútu.

Síðari undanúrslitaleikur VISA-bikarsins fer fram á Laugardalsvelli annað kvöld en þá mætast KR og Þróttur. Sigurvegareinn í þeim leik mætir Kefalvík í úrslitaleik VISA-bikarsins á Laugardalsvelli 30. september.