Minniháttar meiðsl eftir bílveltu

Ökumaður fólksbíls hlaut minniháttar meiðsl í bílveltu við Hólmavík í gærkvöld. Að sögn lögreglunnar í bænum fór bíllinn að minnsta kosti eina veltu og er hann talinn ónýtur. Ökumaðurinn, sem er á nítjánda ári, var fluttur á heilsugæsluna á Hólmavík til aðhlynningar. Lögregla segir piltinn hafa misst stjórn á bílnum þegar tvö hjól lentu í lausamöl í vegkanti þegar hann var að mæta annarri bifreið. Ekki er ljóst á þessari stundu hvort hraðakstur hafi átt þarna einhverja sök á máli.