Viðskipti innlent

Íbúðalánasjóður lækkar vexti

Íbúðalánasjóður hefur ákveðið að lækka útlánsvexti íbúðalána úr 4,7 prósentum í 4,65 prósent í kjölfar 1. áfanga útboðs íbúðabréfa á þessu ári. Vaxtabreytingin tekur gildi á morgun.
Alls bárust tilboð að nafnvirði 14,92 milljarðar króna í bréfin og var ákveðið að taka tilboðum í íbúðabréf að nafnvirði 4,4 milljarða króna, að því er fram kemur í tilkynningu frá Íbúðalánasjóði til Kauphallarinnar.
Þá segir jafnframt að með reglugerð sé Íbúðalánasjóði heimilt að bjóða viðskiptavinum sínum að taka íbúðalán með því að greiða sérstakt uppgreiðsluálag. Hafi stjórn Íbúðalánasjóðs ákveðið að bjóða viðskiptavinum að taka íbúðalán með sérstöku uppgreiðsluálagi, sem verði með 0,25 prósenta lægri vöxtum en vextir hefðbundinna lána eru, þ.e. 4,4 prósent.



Fréttir Innlent Viðskipti


Mest lesið


Fleiri fréttir

Sjá meira


×

Mest lesið