Toppliðin þrjú unnu sína leiki í körfunni

Tvö efstu liðin í Iceland Express deild karla í körfubolta, Njarðvík og Keflavík unnu leiki sína í kvöld en þá fór fram næst síðasta umferð deildarinnar. Þar með er ljóst að aðeins þau tvö lið eiga möguleika á deildarmeistaratitlinum og mætast einmitt í hreinum úrslitaleik á fimmtudaginn um titilinn.

KR sem er í 3. sæti er fjórum stigum á eftir með 30 stig eftir sigur á Hetti í kvöld, 98-66. Höttur frá Egilsstöðum féll úr deildinni eftir tapið gegn KR.

Toppliðin tvö unnu nokkuð aðvelda sigra í kvöld. Njarðvík vann stórsigur á Fjölni, 118-94 og Keflavík vann stórsigur á Hamri/Selfossi, 72-114. Grindavík var efsta lið deildarinnar sem tapaði í kvöld þegar liðið lá óvænt fyrir Skallagrími uppi í Borgarnesi, 93-89. Þannig höfðu liðin sætaskipti og Borgnesingar því komnir í 4. sætið en Grindavík í fimmta sæti fyrir lokaumferðina.

Úrslit kvöldsins;

Skallagr-Grindavík 93-89

Haukar-Snæfell 71-72        

Hamar/Selfoss-Keflavík 72-114       

Þór-ÍR 93-81        

KR-Höttur 98-66        

Njarðvík-Fjölnir 118-94 

Njarðvík og Keflavík eru efst fyrir lokaumferðina með 34 stig.

KR kemur næst með 30 stig í 3. sæti,

Skallagrímur með 28 stig í 4. sæti,

Grindavík er með 26 stig í 5. sæti ,

Snæfell einnig með 26 stig í 6. sæti,

ÍR með 20 stig í 7. sæti

og Fjölnir er í 8. sæti með 16 stig.

Lokaumferðin fer fram næsta fimmtudagskvöld og verður leikjadagskráin eftirfarandi;

Höttur - Haukar

Fjölnir - Skallagrímur

UMFG - KR

Keflavík - Njarðvík

ÍR - Hamar/Selfoss

Snæfell - Þór