Salan á Iceland Express að fara í gang

Salan á Iceland Express er fyrst nú að fara í gang. KB banki annast sölu fyrirtæksins og eru menn þar nú farnir að útbúa útboðsgögn sem verða til á næstu tveimur til þremur vikunum.

Eignarhaldsfélagið Fons ákvað að selja Iceland Express í október eftir að hafa selt FL Group Sterling þar sem félögin eru nú í samkeppni. KB banka var falið að undirbúa sölu fyrirtækisins en ákveðið var þó að bíða með söluna fram yfir áramótin. Að sögn Örvars Kjærnested hjá fyrirtækjaráðgjöf KB banka hafa bankanum reglulega borist fyrirspurnir vegna sölunnar á Iceland Express.