Lyginni líkast

Kvikmyndin Stranger Than Fiction með Will Ferell, Emmu Thompson og Dustin Hoffman í aðalhlutverkum verður frumsýnd hér á landi á nýársdag. Hér segir frá skattheimtumanninum Harold Cricket (Ferrell) hvers tilveru er kollvarpað þegar hann byrjar að heyra kvenmannsrödd lýsa öllum hans gjörðum í minnstu smáatriðum og til að bæta gráu ofan á svart lýsir hún því að dauði hans sé yfirvofandi.

Sér til hrellingar kemst Cricket að því að hann er aðalpersóna í nýjustu skáldsögu Karen Eiffel (Thompson) sem á aðeins eftir að reka smiðshöggið á verkið með því að finna viðeigandi dauðdaga fyrir aðalpersónuna. Í örvæntingu sinni leitar Cricket á náðir bókmenntafræðings (Hoffman) sem ráðleggur honum að bjarga sér frá bana með því að breyta sögunni úr harmleik í gamanleik.