Glitnir kallar á upplýsingar

Mikilvægt er að stjórnendur FL Group stundi virka upplýsingagjöf til markaðarins enda er það forsenda fyrir sanngjarnri verðmyndum með hlutabréf félagsins, segir í morgunkorni greiningardeildar Glitnis í gær.

FL Group hafði fyrr um morguninn sent frá sér tilkynningu til Kauphallar um áhuga fjárfesta á því að kaupa Icelandair Group eftir fréttaflutning þar að lútandi. Greiningardeildin segir miklar vangaveltur hafa að undanförnu um söluna og mögulegan söluhagnað FL Group og skýri þær að hluta 53 prósenta hækkun félagsins á sex vikum. Greiningardeildin hefur á orði nýleg kaup innherja á hlutabréfum félagsins og segir erfitt er að greina raunverulegt verðmæti óskráðra félaga FL Group út frá opinberum upplýsingum.