Edda sögð vera til sölu

Edda útgáfa mun vera til sölu fyrir rétt verð eins og oft er sagt og telja sumir að alltaf hafi staðið til að losa fyrirtækið sem er í eigu Úlfarsfells, félags Björgólfs Guðmundssonar. Í sumar urðu allmiklar breytingar á högum félagsins, hlutafé var aukið, ný stjórn kjörin og Páll Bragi Kristjónsson steig upp úr forstjórastól. Nú er kannski stóra spurningin hver hafi áhuga og burði til að kaupa Edduna. Kannski koma fjárfestar á fjölmiðlamarkaði til greina eða jafnvel erlendir aðilar á borð við bókaforlög.