Davies segist betri en Crouch

Framherjinn Kevin Davies hjá Bolton segist geta gert betri hluti með enska landsliðinu en hin hávaxni Peter Crouch hjá Liverpool og bendir á að þó hann sjálfur muni líklega ekki fá landsleik úr þessu, gæti hann skilað stöðunni betur en Crouch þegar enska liðið spilar svipaðan stíl og Bolton. "Ég held að ég gæti leyst stöðu framherja alveg jafn vel eða betur en Crouch," sagði hinn 28 ára gamli Davies. "Ef enska liðið teflir honum fram, þykir mér liggja í augum uppi að þeir séu að reyna að spila svipaðan leikstíl og við gerum stundum hérna hjá Bolton. Ég myndi fagna því að fá landsleik, en ég á ekki von á því að það gerist úr þessu. Crouch er ungur og ég óska honum alls hins besta í framtíðinni," sagði Davies.