Savickas sigraði í Quebec

Keppnin Mótið var haldið í íshokkíhöll borgarinnar og mættu um 6000 áhorfendur hvorn dag, nokkrir Íslendingar voru á svæðinu en þetta árið hafði engin frá Íslandi komist gegnum undankeppnirnar. Magnús Ver Magnússon fjórfaldur sterkasti maður heims var yfirdómari á mótinu ásamt Douglas Edmund frá Skotlandi. Mótið var allt hið glæsilegasta og vel að öllu staðið, allur aðbúnaður til fyrirmyndar og höfðu I.F.S.A menn meðal annars látið smíða nýjan glæsilegan keppnisbúnað fyrir allar greinar sem m.a. hjálpar til við að samhæfa heimsmet og auðveldar að bera saman árangur á milli móta. Augljóst var af umfangi mótsins að aflraunir eru eitt mest vaxandi sport í heiminum og sást það m.a. á verðlaunafé mótsins sem var samtals 13.5 milljónir króna. Það vakti athygli hversu sterkir austantjaldsmenn voru á þessu móti en þeir voru í 5 efstu sætunum. Meðal keppenda voru m.a. Svendt Karlsen frá Noregi sem var sterkasti maður heims 2001 en hann þurfti að hætta eftir fyrsta dag vegna hnémeiðsla, Magnus Samuelsson frá Svíþjóð en hann hefur einnig verið sterkasti maður heims en náði áttunda sæti í ár. Frá Bandaríkjunum var Karl Gillingham sem átti við axlameiðsli að stríða og endaði tólfti, einnig frá Bandaríkjunum var Phil Pfister sem átti hörku gott mót og endaði sjötti en þriðji keppandinn frá Bandaríkjunum var Travis Ortmeyer sem er eingöngu 24 ára gamall en náði samt að vinna síðustu greinina og setja heimsmet í nýju aflraunasteinunum, hann endaði í tíunda sæti í heildarkeppninni. Frá Finlandi kom Tomi Lotta sem átti ágæta byrjun en veiktist eftir fyrsta dag og helltist því úr keppni, frá Póllandi kom Robert Szchpanski en hann setti heimsmet með því að labba með I.F.S.A. skjöldinn sem er svipuð grein og Íslenska Húsafellshellan, Robert labbaði með skjöldinn sem er 182.5kg slétta 100 metra. Andrus Murumets frá Eistlandi setti heimsmet í bóndagöngu en hún var mun þyngri en gengur og gerist en keppendur þurftu að bera 160kg. Í hvorri hönd 50m braut og Andrus var sá eini sem náði að klára þá vegalengd. Sydrunas Savickas frá Litháen sigraði mótið og setti 3 heimsmet, fyrsta metið var í 30m uxagöngu þar sem keppendur bera 410kg. Þungar kleifar á herðum sér og náði Sydrunas tímanum 16.14 sek. Næsta met setti hann í Appollo öxlalyftunni sem snýst um að lyfta 155kg. Þungum öxli með stálhjólum á frá sköflung og enda með útréttar hendur yfir höfuð eins oft og hægt er á 90 sek. en Sydrunas náði 8 lyftum en fyrra met var 5 lyftur. Síðasta metið setti hann svo í réttstöðulyftu þar sem keppt var að lyfta 320kg þungri stöng frá gólfi uppað mjöðm sem oftast á 90 sek. Sydrunas lyfti stönginni 10 sinnum en fyrra met var 8 lyftur. Úrslitin urðu annars þessi Sydrunas Savickas              Litháen                   103 Vasyl Virastyuk                    Úkraínu                  96 Mikhail Kokylaev               Rússlandi                93,5 Andrus Murumets               Eistlandi                 86 Raimonds Bergmanis           Lettlandi                   84,5 Phil Pfister                             USA                        82,5 Vidas Blekaitis                      Litháen                   81,5 Magnus Samuelsson           Svíðþjóð                69 Robert Szchpanski               Póllandi                  67 Travis Ortmayer                   USA                       64,5 Geoff Dolan                           Kanada                  54,5 Karl Gillingham                     USA                       43 Mark Felix                              Grenada                 42,5 Igor Pedan                             Rússlandi              42 Svendt Karlsen                     Noregi                    hætti keppni vegna hnémeiðsla Tommi Lotta                          Finlandi                  hætti keppni vegna veikinda