Ollie sigraði á Deutsche Bank

Hinn 46 ára gamli Bandaríkjamaður Olin Browne fer upp um 138 sæti á stigalista kylfinga eftir sigur á Deutsche Bank mótinu í Bandarísku mótaröðinni í golfi í gær. Browne er nú í 103 sæti og hefur aldrei verið hærri. Browne vann með eins höggs mun, lék lokahringinn á 67 höggum og var samtals á 270 höggum, fjórtán undir pari. Þetta var aðeins annar sigur hans á mótaröðinni bandarísku. Bandaríkjamaðurinn Jason Bohn hafnaði í öðru sæti á þrettán undir pari og Vaughn Taylor varð þriðji. Tiger Woods lék illa á mótinu og var ellefu höggum á eftir sigurvegaranum.