Chelsea - AC Milan

Í gærkvöldi áttust við Chelsea og AC Milan. Didier Drogba kom Chelsea yfir en Portúgalinn snjalli Rui Costa jafnaði metin á 79. mín. Lokastaðan því 1-1. Eiður Smári var í byrjunarliði Chelsea en var tekinn útaf um miðjan seinni hálfleik. Þá lauk Amsterdam mótinu í knattspyrnu í gær og það var enska liðið Arsenal sem sigraði á mótinu með því að leggja Porto að velli með 2 mörkum gegn 1 í úrslitaleik. Svíinn Freddie Ljungberg skoraði bæði mörk Arsenal. Það má því búast við hörku leik Chelsea og Arsenal um Samfélagsskjöldinn um næstu helgi en sá leikur verður í beinni útsendingu á Sýn.