Leikskólinn á Súðavík gjaldfrjáls?

Hreppstjórn Súðavíkur veltir nú fyrir sér að gera leikskólann á staðnum gjaldfrjálsan. Gjald fyrir átta tíma dvöl á dag er nú tæpar tuttugu og fimm þúsund krónur á mánuði með fæði. Einnig er möguleiki að byggingarlóðir verði ókeypis og húsbyggjendum verði gefinn kostur á byggingarframlagi frá sveitarfélaginu. Þessar framtíðarhugmyndir er nú til umræðu í sveitarstjórn en verða kynntar formlega í lok mánaðarins, eftir því sem segir á vef Bæjarins besta. Markmiðið með þessum aðgerðum mun vera að fjölga íbúum um 40 á næstu fimm árum.