Farþegum FL Group fjölgar áfram

Farþegum í millilandaflugi Icelandair fjölgaði um tæplega eitt prósent í apríl í ár í samanburði við apríl á síðasta ári og á fyrstu fjórum mánuðum ársins hefur farþegum flugfélagsins fjölgað um 9,9 prósent milli ára. Framboð félagsins og sala í mánuðinum var einnig nánast hin sama og á síðasta ári og var sætanýting einnig mjög svipuð og í apríl í fyrra, eða 72,7 prósent á móti 73,5 prósentum. Farþegum í innanlandsflugi Flugfélags Íslands fjölgaði um 6,4 prósent í samanburði við apríl á síðasta ári og voru rúm 27 þúsund en þetta kemur fram í tilkynningu FL Group til Kauphallar Íslands.