Lánin verða enn dýrari

Vextir af yfirdráttarlánum eru nú um og yfir fimmtán prósent en eins og sagt var frá í fréttum Stöðvar 2 í gærkvöld eru íslensk heimili um 61 milljarð yfir á tékkareikningunum sínum. Það eru dýr lán sem búast má við að verði enn dýrari því greiningardeildir bankanna eiga von á að Seðlabankinn muni enn hækka stýrivexti á næstunni. Ljóst er að margir munu leitast við að endurfjármagna þessi óhagstæðu lán í ljósi þeirra tilboða sem bankarnir eru að keppast við að bjóða viðskiptavinum sínum, en útlit er fyrir að framundan séu miklar breytingar í fjármálastjórnun heimila.