Stal páskaeggi og átti hass

Í Héraðsdómi Reykjavíkur var nítján ára piltur dæmdur í þriggja mánaða skilorðbundið fangelsi og sextán ára piltur dæmdur í tveggja mánaða skilorðbundið fangelsi fyrir þjófnaðarbrot. Mál þriðja piltsins var skilið frá þessu máli. Nítján ára pilturinn og sá sextán ára voru ákærðir fyrir innbrot í ellefu bíla þaðan sem þeir stálu ýmsum verðmætum. Sá sextán ára er dæmdur fyrir innbrot í bíl sem hann framdi í félagi við þriðja piltinn. Þá er hann einnig sakfelldur fyrir að stela páskaeggi og að hafa haft tæp gramm af hassi í fórum sínum.