Svínshárabursti í bala

Mörgum er sjálfsagt til ama hve vaskurinn er stundum óhreinn þegar uppvaskinu er lokið. Þessi létti og meðfærilegi bali úr hrágúmmíi er settur í vaskinn þegar uppvaskið skellur á og er svo fjarlægður, brotinn saman og settur inn í skáp þegar því er lokið þannig að vaskurinn stendur spegilsléttur eftir. Með balanum fylgir beykiuppþvottabursti með svínshárum. Burstinn og balinn eru úr algerlega náttúrulegum efnum þannig að nú er bara að láta hreint íslenskt vatn renna og þvo upp, sjálfum sér og umhverfinu til ánægju. Balinn og burstinn saman kosta 6.380 krónur í Bodum í Húsgagnahöllinni.