Casillas yfirgefur Real Madrid eftir 25 ár í marki félagsins

Nú hefur það verið staðfest að Iker Casillas muni yfirgefa herbúðir Real Madrid eftir 25 ára veru hjá félaginu og ganga í raðir portúgalska liðsins Porto.

Real Madrid sendi í kvöld frá sér yfirlýsingu þar sem þetta var tilkynnt og þar segir að Casillas sé besti markvörður í sögu félagsins.

„Við höfum komist að samkomulagi við portúgalska liðið um vistaskipti Iker Casillas. Fyrir Real Madrid er þetta dagur játningar. Casillas er ekki einn af bestu markvörðum félagsins, hann er besti markvörður í sögu Real Madrid og spænsks fótbolta," segir í yfirlýsingu frá Real Madrid.

„Iker Casillas hefur gert merki félagsins enn stærra. Hann var fyrirliði okkar og hefur varið mark okkar í 25 ár. Takk, Iker, fyrir allt saman. Takk fyrir að vera tákn þess besta í okkar sögu. Þú munt eiga stað í hjarta Real Madrid að eilífu," segir ennfremur í yfirlýsingunni.