Robert Francis Prevost nýr páfi
Hvítur reykur steig upp frá sixtínsku kapellunni síðdegis í dag til marks um að nýr páfi hafi verið kjörinn. Tugþúsundir hafa safnast saman á Péturstorginu og gríðarleg fagnaðarlæti brutust út þegar reykjarmökkurinn sást. Nýr páfi er Bandaríkjamaðurinn Robert Francis Prevost sem er sextíu og níu ára gamall. Hann er fyrsti bandaríski páfinn og hefur tekið sér páfanafnið Leó fjórtándi.
