Tekur á sig gagn­rýni svo aðrir fái hana ekki

Naomi Osaka datt úr leik á Opna bandaríska risamótinu í tennis þegar hún mætti Elenu Rybakina frá Kazakhstan í 16-liða úrslitum sem verður efst á heimslistanum í tennis eftir mótið. Hún klæddist mismunandi yfirhöfnum í hverjum leik en það var ákveðið þema sem hún hélt í.

Innan undir glæsilegum kápum hennar var hún í svörtum körfuboltafötum og var búin að flétta hárið sitt. Þetta var skírskotun í körfuboltamanninn Allen Iverson sem braut blað í NBA-deildinni bæði með frammistöðu sinni á vellinum og klæðaburði hans og tjáningu.

Osaka segist vera stolt af því að vera fyrst til að gera eitthvað þrátt fyrir að fólk taki ekki vel í það. Hún var mikið gagnrýnd fyrir nokkrum árum þegar hún talaði opinskátt um andlegu heilsuna sína. Hún var ein af þeim fyrstu í tennisheiminum til að gera það opinskátt og svo virðist sem hún sé að gera það sama með klæðaburð sinn.

Osaka er japönsk og á japanska móður en faðir hennar er hálfur frá Haíti og hálfur frá Bandaríkjunum. Hún segir að Haítí-hluti blóðsins hennar sé ástæðan fyrir því að hún taki á sig hitann svo aðrir hafi það auðveldara sem koma á eftir henni.