Semur lag fyrir frjáls­í­þrótta­mót sem haldið verður annað hvert ár

Armand Duplantis hefur verið ein skærasta stjarna frjálsíþróttaheimsins þar sem hann hefur verið að leika sér að því að bæta heimsmetið í stangastökki oft í röð. Í september mun fara fram World Athletics Ultimate Championship sem er frjálsíþróttamót fyrir þá allra bestu.

Aðeins örfáir fá keppnisrétt á þessu móti sem verður haldið í fyrsta skipti nú í ár. Mótið verður í framhaldinu haldið á tveggja ára fresti og mun vera haldið á árunum þar sem heimsmeistaramótið í frjálsum verður ekki. Þeir sem hafa unnið heimsmeistaramótið og Ólympíuleikana fá keppnisrétt ásamt þeim sem eru hæstir á heimslistanum í hverri grein.

Í tilefni af þessari nýju keppni hefur Duplantis sett á sig listamannahattinn og gefið út lag fyrir mótið. Þetta er ekki fyrsta lagið sem hann gefur út en á Spotify-reikningi hans undir nafninu „Mondo“ má sjá lög frá árinu 2025 og eru mörg þeirra með milljónir hlustana.

Lagið sem hann gaf út fyrir World Athletics Ultimate Championship heitir „Gold“ og fjallar um að standa fyrir meira en aðeins mann sjálfan. Duplantis mun taka lagið á lokahátíð mótsins og má því búast við miklu sjónarspili.

Lagið má sjá í spilaranum hér að neðan: