Innlent

Annar á­rekstur á sama vegkafla með klukku­stundar milli­bili

Freyja Þórisdóttir skrifar
Ekki liggur fyrir hvernig slysið bar að samkvæmt lögreglunni á Norðurlandi vestra.
Ekki liggur fyrir hvernig slysið bar að samkvæmt lögreglunni á Norðurlandi vestra. Vísir/Viktor Freyr

Óljóst er hver tildrög slyss á Hrútafjarðarhálsi á Norðvesturlandi fyrir skömmu voru en viðbragðsaðilar eru nýkomnir á vettvang. Svo virðist sem farþegar og ökumenn tveggja bíla sem voru í árekstrinum séu meidd en ekki liggur fyrir hversu alvarlega áverka þau hlutu.

Bílaröð hefur myndast á ný en slysið varð skammt þaðan sem harður árekstur varð fyrir rétt rúmri klukkustund. Fólk sem sat í bílum sínum rauk út til aðstoðar þeim sem höfðu lent út af veginum en Höskuldur B. Erlingsson aðalvarðstjóri Lögreglunnar á Norðurlandi vestra staðfestir þetta í samtali við fréttastofu.

Hann biðlar til vegfarenda sem lenda nú aftur í töfum á sama vegkafla að sýna stillingu og ítrekar mikilvægi þess að sýna þolinmæði í umferðinni. Það borgi sig ekkert að taka fram úr enda sé umferðin eins þung og hún gerist og ökumenn endi alltaf aftur í bílalestinni sem er á leið í bæinn.

Fréttin er í vinnslu.

Fjöldi fólks þaut af stað í átt að bílunum tveimur að sögn sjónarvotta.Vísir/Viktor Freyr
Sjónarvottar lýsa því að löng bílaröð hafi myndast í annað skiptið þetta kvöld á vegkaflanum.Vísir/Viktor Freyr
Lögreglumál Húnabyggð Húnaþing vestra Umferð Umferðaröryggi

Mest lesið


Fleiri fréttir

Sjá meira


×

Mest lesið