Annar þrjú núll sigur hjá strákunum hans Freys

Rosenborg vann 3-0 sigur á Kristiansund um síðustu helgi og sigraði Start með sömu markatölu í dag.

Amin Chiakha kom Rosenborg yfir með marki úr vítaspyrnu á 35. mínútu og þannig var staðan allt þar til komið var fram í uppbótartíma.

Þegar þrjár mínútur voru komnar fram yfir venjulegan leiktíma jók Simen Bolkan Nordli forskot Rosenborg í 0-2. Tveimur mínútum síðar skoraði Chiakha annað mark sitt og þriðja mark gestanna frá Þrándheimi.

Rosenborg er komið upp í 10. sæti norsku úrvalsdeildarinnar. Liðið hefur unnið jafn marga sigra í síðustu tveimur leikjum og það gerði í fyrstu ellefu leikjum tímabilsins.

Á föstudaginn bíður spennandi verkefni Freys og félaga en þá mæta þeir Manchester United í æfingaleik á Lerkendal.