Andrea býr hjá breskri fjöl­skyldu sem styður hana til sigurs

Andrea spilar á LET mótaröðinni og um helgina fer fram mót í Montaubaun í Frakklandi. Kylfingar fá að búa hjá fólki í bænum á meðan mótinu stendur.

„Á síðasta ári spurðumst við bara fyrir um gestgjafa og fengum að vera þarna. Þannig að í ár ákvað ég að senda beint á þau og spyrja hvort þau gætu tekið á mótið okkur aftur, sem þau gerðu með glöðu geði,“ segir Andrea í viðtali sem birtist á heimasíðu LET.

Hopkins-fjölskyldan mun því útvega Andreu fæði og húsnæði á meðan mótinu stendur, en klæði þarf hún að skaffa sjálf.

Fjölskyldufaðirinn Peter og dóttir hans Poppy studdu Andreu á lokadegi mótsins í fyrra, þegar hún náði sínum besta árangri á ferlinum og hafnaði í þriðja sæti.

„Að vera hluti af svona fjölskyldu er fallegt, að fá mat og stuðning frá þeim. Vonandi geta þau komið og séð mig spila eins og í fyrra, það gaf mér mikla hvatningu,“ segir Andrea og hún telur að þessar kunnuglegu aðstæður geti hjálpað henni um helgina.

„Þetta hjálpar heilmikið, að þekkja staðinn, völlinn og fólkið sem ég er með. Ég er meira að segja í sama svefnherbergi og í fyrra, það er allt alveg eins.“

Andrea hefur hafnað í 29. og 42. sæti á fyrstu mótum tímabilsins en hefur trú á því að þetta verði hennar mót.

„Ég er hrifinn af vellinum, það er skemmtilegt að spila hann og flatirnar hérna eru mjög góðar sem gefur mér mikið sjálfstraust. Ég yrði glöð með það setja bara niður fleiri pútt um helgina en ég hef verið að gera. Auðvitað yrði líka frábært að bæta skorið frá því í fyrra og ná hærra en þriðja sætið. Mér finnst minn leikur vera stöðugri í ár. Ég veit hvað ég er að gera hérna og er með góða tilfinningu fyrir tímabilinu sem er framundan.“