Til­einkaði Úkraínu sigurinn

Kostyuk er númer fimmtán á heimslistanum í tennis en Svitolina í sjöunda sæti. Kostyuk hefur áður lýst Svitolinu sem úkraínskri goðsögn í tennisheiminum.

Kostyuk spilaði frábærlega og vann leikinn eftir öruggan sigur í fyrsta og þriðja setti leiksins. Þetta var sautjándi sigurleikur hennar í röð á leirvelli sem er einkennandi fyrir Opna franska mótið.

Þessi sigur skipti miklu máli fyrir hana þar sem daginn fyrir leikinn dóu átján manns í sprengjuárás Rússa á Úkraínu. Í viðtali fyrr á mótinu sýndi hún blaðamanni mynd af alelda húsi aðeins hundrað metrum frá heimili fjölskyldu sinnar.

Mótherji Kostyuk í undanúrslitunum er Rússinn Mirra Andreva en Kostyuk hefur gagnrýnt rússneska leikmenn fyrir að tala ekki um stríðið.

„Ég veit ekki hvernig hægt er að sofa friðsamlega á nóttunni þegar þetta er í gangi og þú hefur ekkert að segja um það.“