Dag­skráin í dag: Stór­leikir í Bestu deildinni

Besta deild karla

Barist er á toppnum í Bestu deild karla og vilja KR-ingar halda í við topplið Víkings. Úrslit KR hafa farið hrakandi í síðustu leikjum og það vilja Valsmenn nýta sér. Valur vill jafnframt forðast að tapa í þriðja sinn fyrir KR á leiktíðinni.

Liðin mætast á Meistaravöllum klukkan 19:15 og er leikurinn í beinni útsendingu á Sýn Sport Ísland.

Stjarnan hefur spilað sex leiki í röð án sigurs í deildinni og mætir Víkingsliði sem hefur unnið sjö leiki í röð. Geta Garðbæingar bundið enda á eigin slæmu hrinu og jafnframt sigurgöngu Víkings?

Leikur Stjörnunnar og Víkings er á Samsungvellinum klukkan 19:15 og er sýndur beint á Sýn Sport Ísland 2.

Sýn Sport Viaplay

Áhugamenn um pool geta stillt inn á breska meistaramótið í greininni frá klukkan 10:00 á Sýn Sport Viaplay.

Þá mætast Greuther Fürth og Essen í umspili í þýsku 2. deildinni í fótbolta á rásinni klukkan 18:20.

Íshokkíið er á sínum stað í kvöld er Knights og Avalanche eigast við klukkan 22:30 á Sýn Sport Viaplay.