Innlent

Dramatík í Hafnar­firði

Sunna Sæmundsdóttir skrifar
Kolbeinn Tumi Daðason les kvöldfréttir í kvöld.
Kolbeinn Tumi Daðason les kvöldfréttir í kvöld. vísir

Mikið hefur gengið á í pólitíkinni í Hafnarfirði í dag og oddviti Framsóknar sem var með pálmann í höndunum eftir kosningar er í snúinni stöðu. Oddvitar annarra flokka vísa í trúnaðarbrot og taka fyrir samstarf með Framsókn. Við förum yfir málið í kvöldfréttum og fylgjumst með þegar borgarstjórnarhópur Sjálfstæðisflokksins fundaði í dag.

Það gengur einnig mikið á í umræðum um fyrirhugaða atkvæðagreiðslu um aðildarviðræður að ESB. Við verðum í beinni frá þinginu og ræðum við þingmenn sem hafa tekist á í pontu í dag.

Hefð er fyrir því að forsetar Alþingis séu gerðir ódauðlegir með málverki. Við skoðum eitt slíkt sem var afhjúpað í gær og ræðum við viðfangsefnið sem sat fyrir í margar klukkustundir.

Þá skoðar Kristján Már flughermi Icelandair og í Sportinu heyrum við í landsliðsmanni sem er að flytja til Íslendinganýlendunnar Tenerife.

Í Íslandi í dag hittum við fjölskyldu ungrar konu sem lést nýverið eftir bakslag í kjölfar erfiðra áfalla. Þau segja ungan son hennar ljós í myrkrinu.

Þetta og margt fleira á samtengdum rásum Sýnar, Vísis og Bylgjunnar klukkan 18:30

Kvöldfréttir

Mest lesið


Fleiri fréttir

Sjá meira


×

Mest lesið