Handbolti

Myndaveisla: Til­finninga­rík stund þegar bikarinn fór á loft á Hlíðar­enda

Ágúst Orri Arnarson skrifar
Valsmenn urðu meistarar á heimavelli. 
Valsmenn urðu meistarar á heimavelli.  vísir / diego

Valur varð Íslandsmeistari í handbolta í 25. sinn í sögu félagsins eftir 27-26 sigur gegn FH í oddaleik á Hlíðarenda í kvöld. Ljósmyndari Vísis var á svæðinu og fangaði stemninguna.  

Valur þurfti að hafa mikið fyrir sigrinum í æsispennandi leik gegn FH. 

Daníel Freyr Andrésson varði vítakast á lokamínútunni frá Arnóri Snæ Óskarssyni og gaf FH tækifæri til að jafna í síðustu sókn leiksins en þar stóð Valsvörnin sterk. 

Magnús Óli Magnússon sýndi ótrúlega hetjudáð og sneri aftur í oddaleikinn eftir harkalegt höfuðhögg fyrr í einvíginu. 

Verðlaunaafhendingin var hjartnæm og tilfinningarík. Félagarnir Agnar Smári Jónsson, sem var að leika sinn síðasta leik fyrir Val, og Róbert Aron Hostert, sem var að leika sinn síðasta leik á ferlinum, tóku við bikarnum. 

Þakið ætlaði að rifna af húsinu þegar bikarinn fór á loft. 

Myndir frá Diego, ljósmyndara Vísis, má sjá hér fyrir neðan. 

Uppselt var á Hlíðarenda. 
FH barðist til baka í seinni hálfleik. 
Spennan var óbærileg á lokamínútunum. 
Arnór Snær klikkaði úr vítakasti í lokasókn Vals. 
Áhorfendur Vals fylgjast með lokasókn FH. 
27-26 lokatölur og allt tryllist. 

Arnór Snær var valinn verðmætasti leikmaður úrslitaeinvígisins. 
Agnar Smári og Róbert Aron tóku við bikarnum fyrir hönd Valsmanna. 
Magnús Óli Magnússon lauk ferlinum sem Íslandsmeistari. 
Liðsheildin skilaði Valsmönnum Íslandsmeistaratitlinum. 
Olís-deild karla Valur

Mest lesið


Fleiri fréttir

Sjá meira


×

Mest lesið