Handbolti

Íslendingaliðið á leið í odda­leik eftir naumt tap

Ágúst Orri Arnarson skrifar
Andrea var markahæst hjá Blomberg-Lippe en tókst ekki að jafna leikinn í lokasókninni. 
Andrea var markahæst hjá Blomberg-Lippe en tókst ekki að jafna leikinn í lokasókninni.  Sven Hoppe/picture alliance via Getty Images

Íslendingaliðið Blomberg-Lippe er á leið í oddaleik í undanúrslitaeinvíginu gegn Thuringer í þýska handboltanum. Það varð ljóst eftir 29-28 sigur Thuringer í kvöld.

Blomberg-Lippe vann fyrsta leikinn með sex mörkum á heimavelli en tvo sigra þarf til að klára einvígið. Deildarmeisturunum tókst það ekki en fá annan séns á heimavelli.

Leikurinn var hnífjafn og spennandi. Blomberg-Lippe náði smá forskoti í fyrri hálfleik en Thuringer jafnaði leikinn í seinni hálfleik með því að yfirmanna sóknina.

Á lokamínútunum átti Laura Kuske, markmaður Thuringen, mikilvæga vörslu frá Ona Vegue og Andrea Jacobsen skaut síðan yfir úr síðasta skoti Blomberg-Lippe. Heimaliðið slapp því með eins marks sigur, 29-28.

Andrea var markahæst hjá Blomberg-Lippe í kvöld með 5 mörk en Elín Rósa Magnúsdóttir skoraði 4 mörk og Díana Dögg Magnúsdóttir skoraði 2 mörk.

Þýski handboltinn

Mest lesið


Fleiri fréttir

Sjá meira


×

Mest lesið