Ómar Ingi klikkaði í vítakeppni og Magdeburg úr leik í bikarnum

Lærisveinar Arnórs Þórs Gunnarssonar unnu að lokum 4-3 í vítakeppni eftir að úrslit fengust ekki eftir venjulegan leiktíma eða framlengingu.

Bergischer mætir Füchse Berlin í úrslitaleiknum á morgun en Refirnir unnu 39-26 sigur á Lemgo í hinum undanúrslitaleiknum.

Staðan var jöfn í hálfleik, 11-11, hún var jöfn eftir venjulegan leiktíma, 22-22, og eftir framlengingu, 27-27.

Ómar Ingi tryggði Magdeburg inn í vítakeppni með því að skora úr vítakasti og jafna metin í 27-27 á síðustu sekúndum seinni framlengingar.

Ómar var aftur á móti einn af leikmönnum Magdeburg sem klikkuðu á víti í vítakeppninni.

Ómar skoraði fimm mörk í leiknum, öll úr vítum, en Gísli Þorgeir Kristjánsson var með þrjú mörk. Elvar Örn Jónsson klikkaði á báðum sínum skotum.