Gísli, Ómar og Elvar stigu stórt skref í átt að þýska titlinum

Magdeburg vann leikinn 35-33 og endaði níu leikja sigurgöngu Füchse í þýsku deildinni. Það var jafnt í hálfleik, 15-15, og leikurinn var gríðarlega spennandi.

Füchse gat minnkað forskot Magdeburg í fjögur stig með sigri en nú er Magdeburg átta stigum á undan þeim. Magdeburg er með sjö stiga forskot á toppnum en Flensburg er í öðru sæti þegar átta umferðir eru eftir.

Gísli Þorgeir Kristjánsson átti mjög góðan leik með Magdeburg og var allt í öllu þegar liðið landaði sigrinum. Hann annaðhvort skoraði eða bjó til félaga sína þegar spennan var mest undir lokin.

Gísli endaði með sex mörk úr sjö skotum og gaf sjö stoðsendingar að auki. Hann kom því með beinum hætti að þrettán mörkum í leiknum.

Ómar Ingi Magnússon var með þrjú mörk og tvær stoðsendingar en Elvar Örn Jónsson skoraði ekki en gaf eina stoðsendingu.

Matej Mandic kom öflugur inn í mark Magdeburg og varði fjörutíu prósent skota sem á hann komu.

Mathias Gidsel var markahæstur hjá Füchse Berlin með ellefu mörk og þrjár stoðsendingar en Lasse Bredekjaer Andersson skoraði átta mörk.