Strákarnir okkar slógu í gegn í Smára­lindinni

Leikmenn íslenska handboltalandsliðsins í handbolta eru að undirbúa sig fyrir vináttulandsleiki við Svía en þetta eru fyrstu heimaleikir íslenska liðsins eftir frábært Evrópumót þar sem strákarnir náðu fjórða sætinu.

HSÍ nýtti tækifærið að hetjurnar voru komnar heim til Íslands og bauð ungum aðdáendum að hitta goðin sín í Smáralindinni í dag.

Það var mikið fjör og frábær mæting enda vildu margir ná sér í eiginhandaráritanir hjá bestu handboltamönnum Íslands.

Vilhelm Gunnarsson, ljósmyndari Vísis, var á staðnum og náði þessum skemmtilegu myndum hér fyrir neðan.