Handbolti

Skellur fyrir banka­bók HSÍ

Valur Páll Eiríksson skrifar
blaðamannafundir daginn fyrir undanúrslit á EM karla í handbolta. Ísland - Snorri Steinn Guðjónsson,
blaðamannafundir daginn fyrir undanúrslit á EM karla í handbolta. Ísland - Snorri Steinn Guðjónsson, Vísir/Vilhelm

Snorri Steinn Guðjónsson segir miður að íslenska karlalandsliðið geti ekki spilað komandi leiki við Svíþjóð í þjóðarhöllinni. Enn hefur ekki verið staðfest hvar leikirnir fari fram.

Laugardalshöll er upptekin vegna viðburðar þegar Ísland fær Svíþjóð í heimsókn í tvo æfingaleiki síðar í mánuðinum. Bygging nýrrar Þjóðarhallar er þá ekki komin af stað og ljóst að HSÍ þarf að finna sal fyrir leikina.

Klippa: Snorri ræðir EM, sambandið við Dag, Þjóðarhöll og næstu skref

Er ekki skellur að geta ekki spilað í höllinni?

„Jú, jú. Ég held að fyrir bankabókina hjá HSÍ er það klárlega skellur. Miðað við meðbyrinn, athyglina og stemninguna sem maður finnur þegar maður kemur heim er helvíti slæmt að geta ekki spilað í stærri höll. Það segir sig sjálft,“

„En ég nenni eiginlega ekki í þessa umræðu um Þjóðarhöll, að við séum ekki á betri stað – sem er náttúrulega alveg ótrúlegt – en við erum nú að halda HM hérna 2031 og hún verður komin fyrir það,“ segir Snorri Steinn.

Höllin átti að vera risin 2027 og framkvæmdir komnar af stað. Hefurðu trú á því að hún rísi fyrir 2031?

Eftir töluverðan umhugsunarfrest segir Snorri: „Já, já, ég hef alveg trú á því. En ég er ekki sannfærður. Og ég ætla ekki að kaupa mér miða á þessa leiki alveg strax, við skulum orða það þannig,“ segir Snorri og hlær.

Viðtalið í heild má sjá í spilaranum. Umræða um Þjóðarhöll hefst þegar 26 mínútur eru liðnar á viðtalið.

Landslið karla í handbolta HSÍ Ný þjóðarhöll

Tengdar fréttir

„Ég ætla ekki að bera ábyrgð á því“

Miðamál voru mikið til umræðu á meðan Evrópumóti karla í handbolta stóð yfir, þá sérlega í kringum úrslitahelgina í Danmörku. Landsliðsþjálfari Íslands gerði mótið upp á dögunum og segir betur mega fara, næst þegar Ísland kemst svo langt. Hann þorir þó ekki að ábyrgjast miðakaup á undanúrslit næsta árs.

„Auðmjúkur, þakklátur og stoltur“

Snorri Steinn Guðjónsson lætur umboðsmann sinn alfarið sjá um samningaviðræður við HSÍ um framhald hans sem landsliðsþjálfari í handbolta. Samningurinn rennur út í ár en Snorri vill taka næstu skref með landsliðinu.

Snorri beið spenntur eftir ræðu Dags og er sammála honum

Snorri Steinn Guðjónsson vissi fyrirfram að Dagur Sigurðsson ætlaði að hjóla í evrópska handboltasambandið á blaðamannafundi fyrir úrslitahelgi EM. Hann beið spenntur eftir ræðunni og er sammála því sem Dagur sagði þar.

„Ekki endilega eitthvað sem ég þarf að upplifa aftur“

Snorri Steinn Guðjónsson keyrði sig gjörsamlega út á nýliðnu Evrópumóti í handbolta þar sem hann stýrði Íslandi til besta árangurs liðsins í 16 ár. Mótið var mikill tilfinningarússibani og þrátt fyrir svekkelsi er ástæða til bjartsýni fyrir framhaldið.

Mest lesið


Fleiri fréttir

Sjá meira


×

Mest lesið