Hálka í höfuð­borginni og þung­fært víða um land

Úti á landi er hinsvegar lokað um Holtavörðuheiðina og Fróðárheiði og sömu sögu er að segja af Fjarðarheiðinni fyrir austan. Á Vestfjörðum er beðið eftir meiri upplýsingum en Vegagerðin segir að búast megi við slæmri færð og þungfærum vegum, til dæmis í Ísafjarðardjúpi. 

Farþegaþoturnar fimmtán frá Icelandair, sem þurftu að lenda á varaflugvöllum í Reykjavík, á Akureyri og á Egilsstöðum síðdegis í gær eftir að stormur skall á í Keflavík, virðast nú allar komnar til Keflavíkur ef marka má heimasíðu flugvallarins. 

Að sögn upplýsingafulltrúa Icelandair hafði ástandið áhrif á um tvö þúsund farþega. Átta vélar lentu á Akureyri og á fjórum þeirra þurfti skipta um áhöfn og voru flugliðar þá sendir til Akureyrar með flugi svo hægt væri að koma vélunum til Keflavíkur í nótt.