Fyrsta tap Gísla og Ómars kom gegn stór­veldinu

Kiel, sem á flesta meistaratitla allra liða í sínu safni, vann sætan en torsóttan sigur, 31-29, og skapaði þannig meiri spennu á toppi deildarinnar eftir ótrúlegt gengi Magdeburg í vetur.

Gísli Þorgeir Kritsjánsson og Ómar Ingi Magnússon voru að vanda áberandi í liði Magdeburgar og tölfræðin hjá þeim afar svipuð. Þeir skoruðu fimm mörk hvor um sig og áttu einnig fjórar stoðsendingar hvor. Aðeins Tim Hornke skoraði fleiri mörk fyrir Magdeburg í dag, eða sjö. 

Liðið var hins vegar án Elvars Arnar Jónssonar, sem meiddist á EM, og það hafði að sjálfsögðu mikið að segja.

Mageburg var hins vegar sterkara í fyrri hálfleiknum og náði fjögurra marka forskoti, og var enn tveimur yfir í hálfleik, 12-10.Kiel náði hins vegar fljótt ða jafna metin og komast yfir í seinni hálfleik, og hafði komist fjórum mörkum yfir þegar átta mínútur voru eftir, 27-23.

Lukas Zerbe var markahæstur heimamanna með níu mörk úr ellefu skotum og Lukas Laube skoraði úr öllum sex skotum sínum.