Vonn á bata­vegi eftir þriðju að­gerðina

Vonn ögraði örlögunum með því að keppa aðeins níu dögum eftir krossbandslit og datt aðeins þrettán sekúndum eftir að hún lagði af stað í fyrstu ferð í Cortina um helgina.

Hún fótbrotnaði illa á sköflungsbeini en segist ekki sjá eftir neinu, þó pabbi hennar vilji alls ekki sjá dóttur sína keppa aftur.

„Ég fór í þriðju aðgerðina í dag og hún heppnaðist vel“ skrifaði Vonn á samfélagsmiðlum.

„Árangur hefur allt aðra merkingu fyrir mér í dag en fyrir nokkrum dögum síðan. Ég er á batavegi og þó það gangi hægt, veit ég að þetta verður allt í lagi. Ég er þakklát öllu þessu ótrúlega læknateymi, vinum mínum, fjölskyldu minni, þeim sem hafa verið mér við hlið og sýnt mér stuðning alls staðar að úr heiminum. Einnig vil ég óska liðsfélögum mínum í bandaríska landsliðinu innilega til hamingju, þið veitið mér innblástur og ástæður til að gleðjast“ bætti Vonn við.

Vonn lagði skíðin á hilluna í fimm ár en eftir endurkomuna hafði hún unnið tvenn gullverðlaun á heimsbikarmótum og gert sig líklega til að vinna aftur verðlaun á Vetrarólympíuleikunum, en ferill hennar í þeirri keppni endaði með grátlegum hætti.