Reynir marka­hæstur hjá Melsungen og Gísli gerði mest fyrir Magdeburg

Topplið Magdeburg lagði Lemgo að velli með öruggum 36-32 sigri.

Gísli Þorgeir Kristjánsson var markahæstur hjá Magdeburg með sjö mörk og stoðsendingahæstur með fjórar gjafir.

Ómar Ingi Magnússon, Matthias Musche og Felix Claar skoruðu allir sex mörk hver en Elvar Örn Jónsson er enn frá vegna meiðsla.

Magdeburg er í efsta sæti deildarinnar en ríkjandi meistarar Fuchse Berlin eru sex stigum frá þeim, eftir 41-27 stórsigur gegn Wetzlar.

Reynir markahæstur hjá Melsungen

Reynir Þór Stefánsson skoraði fimm mörk fyrir Melsungen í 29-26 sigri á útivelli gegn Bergischer.

Melsungen komst með sigrinum upp í 7. sæti deildarinnar.

Reynir átti þarna sinn besta leik á tímabilinu en hann var mikið frá fyrir áramót vegna hjartavandamála.

Haukur skoraði og gaf til skiptis

Haukur Þrastarson skoraði fjögur mörk og gaf fjórar stoðsendingar á liðsfélaga sína í Rhein-Neckar Löwen í 27-28 tapi gegn Kiel fyrr í kvöld.

RN Löwen er í 8. sæti þýsku deildarinnar en Kiel er í 5. sætinu.